കേരള ടെറസ് കൃഷി – Terrace kitchen garden using organic methods

ടെറസ് കൃഷി ഒരാമുഖം

Terrace kitchen garden kerala

ഹൌ ഓള്‍ഡ്‌ ആര്‍ യു കണ്ട പലരും ചോദിക്കുന്ന ചോദ്യമാണ് ഈ ടെറസ് കൃഷി വലിയ ചെലവുള്ള സംഭവം ആണോ ?. അതിലെ നായിക അഞ്ചു ലക്ഷം ലോണ്‍ എടുത്താണ് കൃഷി ചെയ്യുന്നത്. സ്വാഭാവികമായും അത് കാണുന്ന ആളുകള്‍ വിചാരിക്കുന്നത് അടുക്കളത്തോട്ടം ഉണ്ടാക്കല്‍ അല്ലെങ്കില്‍ ടെറസ് കൃഷി വലിയ ചെലവുള്ള സംഭവം ആണെന്നാണ്. സിനിമയില്‍ അവര്‍ ചെയ്യുന്നത് കൃത്യത ഉറപ്പു വരുത്തുന്ന തരം (പൊളി ഹൌസ് പോലെയുള്ള) കൃഷി രീതികള്‍ ആണ്. നമുക്ക് വീട്ടില്‍ വേണ്ട പച്ചക്കറികള്‍ ഉത്പാദിപ്പിക്കാന്‍ പൊളി ഹൌസ് ഒന്നും വെണ്ട. ഓപ്പണ്‍ കൃഷി രീതികള്‍ മാത്രം മതി. ചെലവ് അധികം ആവശ്യമില്ലാത്തതാണ് അവ.

ഇനി കൃഷി ചെയ്യാന്‍ ടെറസ് തന്നെ വേണമെന്നില്ല, നിങ്ങള്‍ക്ക് അത്യാവശ്യം സ്ഥലം ഉണ്ടെങ്കില്‍ അവ തന്നെയാണ് നല്ലത്. സ്ഥല പരിമിതി, കൃഷി സ്ഥലത്ത് ആവശ്യത്തിനു സൂര്യ പ്രകാശം ലഭിക്കാത്തവര്‍ ഇവരൊക്കെയാണ് ടെറസ് കൃഷി ചെയ്യേണ്ടത്.

ടെറസ് കൃഷിയുടെ മേന്മകള്‍

1, സ്ഥലപരിമിതി മറികടക്കാം
2, സൂര്യപ്രകാശം നന്നായി ലഭിക്കുന്നു
3, കീട ബാധ കുറവ്

ടെറസ് കൃഷിയുടെ പോരായ്മകള്‍

കൃത്യമായ പരിചരണം ആവശ്യമാണ് , കൃത്യമായ ജലസേചനം, വളപ്രയോഗം ഇവ ആവശ്യമാണ്. ചെടികള്‍ക്ക് നാം കൊടുക്കുന്ന വെള്ളം, വളം മാത്രം ഉപയോഗപ്പെടുത്താനെ സാധിക്കു. വേനല്‍ക്കാലത്ത് കൃത്യമായ ജലസേചനം ഇല്ലെങ്കില്‍ ചെടികള്‍ വാടി/ഉണങ്ങി പോകും.

ടെറസിനു ദോഷം സംഭവിക്കുമോ ?

ഇനി ചിലരുടെ സംശയം ഇതാണ്. ഒരിക്കലുമില്ല, നിങ്ങള്‍ രാസ വള/കീടനാശിനി പ്രയോഗം ഒഴിവാക്കിയാല്‍ മാത്രം മതി. കൂടാതെ ചെടികള്‍ വെക്കുന്ന ചട്ടികള്‍/ഗ്രോ ബാഗ്‌ ഇവയ്ക്കു താഴെ ഇഷ്ട്ടിക വെച്ചാല്‍ കൂടുതല്‍ നല്ലത്,ഊര്‍ന്നിറങ്ങുന്ന ജലം അവ ആഗിരണം ചെയ്തു കൊള്ളും.

എങ്ങിനെ നടും

കഴിവതും പ്ലാസ്റ്റിക്‌ ചാക്കുകള്‍/കവറുകള്‍ ഒഴിവാക്കുക. അവ മാസങ്ങള്‍ക്കുള്ളില്‍ പൊടിഞ്ഞു പോകും. നിങ്ങള്‍ കൃഷി തന്നെ മടുത്തു പോകും. ദയവായി പ്ലാസ്റ്റിക്‌ ചാക്കുകള്‍/കവറുകള്‍ ഒഴിവാക്കുക. വില കുറവില്‍ പ്ലാസ്റ്റിക്‌ കന്നാസുകള്‍ ലഭിക്കുമെങ്കില്‍ (ആക്രി കടകളിലും മറ്റും) അവ ഉപയോഗിക്കാം. പക്ഷെ നന്നായി കഴുകി വൃത്തിയാക്കിയത്തിനു ശേഷം മാത്രം എടുക്കുക. അത്തരം കന്നാസുകള്‍ മുകള്‍ ഭാഗം മുറിച്ചു ഉപയോഗിക്കാം. അടിവശത്ത് ചെയ്യ ദ്വാരങ്ങള്‍ ഇടാന്‍ മറക്കരുത്.

ചെടി ചട്ടികള്‍ – ഇവ പക്ഷേ ചെലവ് കൂടിയ രീതിയാണ്‌. ഒരു ചെടി ചട്ടിക്കു തന്നെ 100 രൂപ അടുത്ത് വരും, ഉപയോഗ ശൂന്യമായവ ഉണ്ടെകില്‍ അവ ഉപയോഗപ്പെടുത്തുക.

ഗ്രോ ബാഗുകള്‍ – ടെറസ് കൃഷിക്ക് ഏറ്റവും ഉത്തമം ആണ് ഗ്രോ ബാഗുകള്‍, ഗ്രോ ബാഗുകളെ പറ്റിയുള്ള വിശദമായ വിവരങ്ങള്‍ ഇവിടെയുണ്ട്.

നടീല്‍ മിശ്രിതം – മണ്ണ് ലഭ്യമെങ്കില്‍ അത് തന്നെ നിറയ്ക്കുക, കൂടെ ഉണങ്ങിയ ചാണകപ്പൊടി, കരിയിലകള്‍, നിയോപീറ്റ് പോലെയുള്ള ചകിരി ചോറ് ഇവയും ചേര്‍ത്ത് ഇളക്കി ഉപയോഗിക്കാം. നിറയ്ക്കുമ്പോള്‍ ഒരിക്കലും കുത്തി നിറയ്ക്കരുത്, അതെ പോലെ മുഴുവന്‍ ഭാഗവും നിറയ്ക്കരുത്, മുക്കാല്‍ ഭാഗം മാത്രം നിറയ്ക്കുക. നടീല്‍ മിശ്രിതം കൂടുതല്‍ വായനയ്ക്ക് ഇവിടെ നോക്കുക. നിയോപീറ്റ് കൂടുതല്‍ വായനയ്ക്ക് ഇവിടെ നോക്കുക.

കമന്‍റുകള്‍

കമന്‍റുകള്‍

Recent Posts

Mint Growing Home From Cuttings – പുതിന കൃഷി ചെയ്യാം , തണ്ടുകള്‍ ഉപയോഗിച്ച്

കടയില്‍ നിന്നും വാങ്ങുന്ന പുതിനയുടെ തണ്ടുകള്‍ നടാം - mint growing at home ബിരിയാണിയിലും പുലാവിലും ചേര്‍ക്കാന്‍ കടകളില്‍…

3 months ago

Fish Amino Acid Preparation – ഫിഷ്‌ അമിനോ ആസിഡ് തയ്യാറാക്കുന്ന വിധം

ഫിഷ്‌ അമിനോ ആസിഡ് തയ്യാറാക്കുന്ന വിധം - Fish Amino Acid (FAA) ഒരു നല്ല ജൈവ വളം ആണ്…

3 months ago

ഗ്രോ ബാഗിലെ വളപ്രയോഗം – List Of Organic Fertilizers For Grow Bag

മട്ടുപ്പാവ് തോട്ടത്തില്‍ നിന്നും മികച്ച വിളവു നേടുവാന്‍ എന്തൊക്കെ ചെയ്യണം - ഗ്രോ ബാഗിലെ വളപ്രയോഗം ഗ്രോ ബാഗ്‌ ,…

4 months ago

കൈതച്ചക്ക എന്ന പൈനാപ്പിള്‍ ടെറസില്‍ കൃഷി ചെയ്താലോ ? – പരിചരണം തീരെ ആവശ്യമില്ല

ടെറസിലെ കൈതച്ചക്ക കൃഷി വളരെ എളുപ്പത്തില്‍ കൃഷി ചെയ്യാവുന്ന ഒന്നാണ് കൈതച്ചക്ക, കടച്ചക്ക എന്നും മറ്റു പല പ്രാദേശിക നാമങ്ങളിലും…

4 months ago

ജൈവ കീട രോഗ നിയന്ത്രണ മാര്‍ഗ്ഗങ്ങള്‍ – Kerala Organic Farming Methods

Organic cultivation tips kerala - പച്ചക്കറികളിലെ ജൈവ കീട രോഗ നിയന്ത്രണ മാര്‍ഗ്ഗങ്ങള്‍ This article discussing about…

4 months ago

പച്ചക്കറി കൃഷി കലണ്ടര്‍ – Vegetable Planting Calendar for Kerala

ഏതൊക്കെ വിളകള്‍ എപ്പോഴൊക്കെ കൃഷി ചെയ്യാം - പച്ചക്കറി കൃഷി കലണ്ടര്‍ നമ്മുടെ അടുക്കളത്തോട്ടത്തില്‍ ചീര, പയര്‍, പടവലം, പച്ചമുളക്,…

5 months ago
Agriculture Website Malayalam and Videos Owned and Maintained By Anish K.S